Psa 128 | TwiNAK | STEP | Nhyira nka wɔn a wotie Awurade na wodi nʼahyɛde so.

Psalms 128

Osetie ho akatua

1 Nhyira nka wɔn a wotie Awurade na wodi nʼahyɛde so.
2 Wʼadwuma na ɛbɛma wo nea ehia wo; wo ho bɛtɔ wo, na woadi yiye.
3 Wo yere bɛyɛ sɛ bobe a ɛwɔ wo fi na ɛsow bebree; na wo mma nso ayɛ sɛ dua a atwa wo pon ho ahyia.
4 Saa na wobehyira onipa a odi Awurade asɛm so no.
5 Awurade nhyira wo mfi Sion!
Wubehu Yerusalem nkɔso wo nkwa nna mu!
6 Wobɛtena ase ahu wo nenanom!
Asomdwoe nka Israel.